بلوچستان کے علاقے دکی میں دو افراد کی لاشیں ندی سے برآمد ہوئی ہیں، جنہیں فائرنگ کرکے قتل کیے جانے کا انکشاف ہوا ہے۔
پولیس ذرائع کے مطابق یہ واقعہ تحصیل لونی کے علاقے کلی بختیار خان میں پیش آیا، جہاں مقامی افراد کی اطلاع پر ندی سے دو نعشیں برآمد کی گئیں۔ دونوں افراد کے جسم گولیوں سے چھلنی پائے گئے۔
لاشوں کو قانونی کارروائی کے لیے سول ہسپتال دکی منتقل کر دیا گیا ہے۔ جاں بحق افراد کی شناخت موسیٰ خان ولد میرو (سکنہ پژہ کوہلوا) اور لعل خان ولد رحیم خان (سکنہ چھپر رکنی) کے ناموں سے ہوئی ہے۔
پولیس نے واقعے کی تحقیقات شروع کر دی ہیں اور مزید شواہد اکٹھے کیے جا رہے ہیں۔
