کیچ کی تحصیل بلیدہ کے علاقے میناز میں نامعلوم مسلح افراد نے ایک رہائشی گھر پر فائرنگ اور مارٹر گولہ فائر کیا، جس کے نتیجے میں ایک ہی خاندان کے چھ افراد ہلاک جبکہ تین زخمی ہو گئے۔
پولیس ذرائع کے مطابق حملہ عبدالحمید ولد داد محمد کے گھر پر کیا گیا، جہاں حملہ آوروں نے اندھا دھند فائرنگ کے ساتھ مارٹر گولے کا بھی استعمال کیا۔ حملے کے باعث مکان کو شدید نقصان پہنچا اور اہلِ خانہ نشانہ بنے۔
ہلاک ہونے والوں میں مسلم ولد چارشمبے، مولایوسف ولد محمد شریف، گل ناز بنت عبدالغفار، ایک سالہ چنگیز ولد عبدالغفار، چار سالہ فضیلہ دختر عبدالغفار اور چھ سالہ زہرہ بنت عبدالغفار شامل ہیں۔
حملے میں عبدالغفار ولد محمد، سارہ بنت عبدالغفار اور عائشہ بنت عبدالغفار زخمی ہوئے، جنہیں فوری طور پر تربت ٹیچنگ ہسپتال منتقل کر دیا گیا۔ ہسپتال ذرائع کے مطابق بعض زخمیوں کی حالت تشویشناک بتائی جا رہی ہے۔
تاہم واقعے سے متعلق تاحال معلوم نہیں ہوسکا۔
