بلوچستان کے ضلع نصیر آباد میں باباکوٹ تھانے کی حدود گوٹھ جویہ پر نامعلوم مسلح افراد نے دھاوا بول کر علاقے میں خوف و ہراس پھیلا دیا۔ مسلح افراد خواتین اور بچوں سمیت چھ افراد کو اغوا کرکے نامعلوم مقام پر لے گئے۔
ذرائع کے مطابق اغوا ہونے والوں میں دو خواتین، دو بچے اور دو مرد شامل ہیں۔
واقعے کا نوٹس لیتے ہوئے ایس ایس پی نصیر آباد نے مغویوں کی جلد اور بحفاظت بازیابی کے لیے متعلقہ پولیس ٹیموں کو فوری اور مؤثر کارروائی کی ہدایت جاری کر دی ہے۔ پولیس ذرائع کا کہنا ہے کہ اغوا کاروں کی تلاش کے لیے مختلف علاقوں میں ناکہ بندی اور سرچ آپریشن جاری ہے۔
تاحال اغوا کی وجوہات سامنے نہیں آ سکیں، تاہم پولیس واقعے کے تمام پہلوؤں سے تحقیقات کر رہی ہے۔
