بلوچستان کے ضلع کیچ میں پاکستانی فورسز کی فائرنگ سے ایک شخص ہلاک اور ایک زخمی ہوگیا۔ ذرائع کے مطابق واقعہ اس وقت پیش آیا جب دونوں نوجوان تفریح کے لیے پکنک منانے گئے تھے۔
جاں بحق شخص کی شناخت اسماعیل ولد ابراہیم جبکہ زخمی نوجوان کی شناخت نعمان ولد حیدر کے نام سے ہوئی ہے۔ مقامی ذرائع کا کہنا ہے کہ زخمی نوجوان ابھی بھی فورسز کی تحویل میں ہے اور اس کی حالت کے بارے میں کوئی معلومات فراہم نہیں کی گئیں۔
بلوچستان کے مختلف علاقوں میں اس قسم کے واقعات میں مسلسل اضافہ دیکھنے کو ملا ہے۔ قبل ازیں بلوچستان کے علاقے چلتن اور بلیدہ کے علاقوں میں بھی ایسے واقعات رپورٹ ہوئے، جن میں سیر و تفریح کے لیے جانے والے افراد پاکستانی فوج کے ڈرون حملوں کے نشانہ بنے۔
