بلوچستان کے اضلاع سبی، کیچ اور قلات میں نامعلوم مسلح افراد نے مختلف کارروائیوں میں پاکستانی فوج اور گیس لے جانے والی گاڑی کو نشانہ بنایا۔
ذرائع کے مطابق ضلع سبی میں نامعلوم مسلح افراد نے پاکستانی فوج کے ایک کیمپ پر حملہ کیا، جس کے نتیجے میں فورسز کو جانی نقصانات کا سامنا کرنا پڑا ہے۔
دوسری جانب ضلع کیچ کے علاقے گومازی کے پہاڑی مقام دیزیگ میں گزشتہ شام بلوچ مسلح آزادی پسندوں اور پاکستانی فوج کے درمیان جھڑپیں ہوئیں۔ اطلاعات کے مطابق جھڑپ میں فورسز کو جانی نقصان اٹھانا پڑا، جبکہ مسلح افراد نکلنے میں کامیاب ہو گئے۔
ادھر قلات کے علاقے مرجان میں بوزر گاڑی پر نامعلوم مسلح افراد نے فائرنگ کی، جس کے نتیجے میں گاڑی کو نقصان پہنچا، تاہم کسی جانی نقصان کی اطلاع نہیں ملی۔
ان حملوں کی ذمہ داری تاحال کسی تنظیم نے قبول نہیں کی ہے۔
