بلوچستان کے ضلع قلات میں فائرنگ کے دو مختلف واقعات میں مجموعی طور پر چھ افراد ہلاک ہوگئے۔
ذرائع کے مطابق پہلا واقعہ تحصیل خالق آباد کے علاقے سربند میں پیش آیا، جہاں نامعلوم مسلح افراد کی فائرنگ سے شاکر سعداللہ لانگو، اس کا بھائی شاکر خیراللہ لانگو سمیت چار افراد موقع پر ہی جاں بحق ہوگئے۔ لیویز ذرائع کے مطابق دیگر ہلاک ہونے والوں میں محمد کریم ولد محمد، سکنہ حال کوئٹہ، اور محمد ظاہر ولد خالقداد شامل ہیں۔
دوسرا واقعہ قلات کے مختلف علاقوں میں پیش آیا، جہاں ماماتاوہ سے ایک شخص اور کُڈی کے علاقے سے ایک اور لاش برآمد ہوئی۔ دونوں افراد کو گولیاں مار کر ہلاک کیا گیا تھا۔ برآمد ہونے والی ایک لاش کی شناخت سمیع اللّٰہ نیچاری کے نام سے ہوئی ہے۔ مقامی ذرائع کے مطابق نعش ایک ویران مقام سے ملی، جسے ضابطے کی کارروائی کے لیے اسپتال منتقل کردیا گیا۔
تاہم فائرنگ کے دونوں واقعات کی وجوہات اور محرکات تاحال معلوم نہیں ہوسکے۔
