بلوچستان لبریشن فرنٹ کے ترجمان میجر گہرام بلوچ نے جاری کردہ بیان میں کہا ہے کہ سرمچاروں نے 31 اکتوبر کو صبح 8:30 بجے ڈیرہ مراد جمالی میں غفور پمپ کے ساتھ پولیس لائن کے مین گیٹ کو دستی بم حملے میں نشانہ بنایا جس کی وجہ سے وہاں سرکاری املاک کو کافی نقصان پہنچا۔
ترجمان نے کہا کہ تھانہ پر یہ حملہ ایک انتباہ کے طور پر کیا گیا تاکہ ڈیرہ جمالی کے مختلف تھانوں میں موجود پولیس اہلکار اپنا ظالمانہ رویہ ترک کریں اور مقامی بلوچ عوام کے ساتھ غیر انسانی سلوک سے گریز کریں۔ اگر پولیس نے عوام کے ساتھ اپنا رویہ درست نہیں کیا تو ان اہلکاروں کے خلاف سخت کاروائی کریں گے۔
انہوں نے کہا کہ بلوچستان لبریشن فرنٹ ڈیرہ مراد جمالی میں پولیس اسٹیشن پر دستی بم حملے کی ذمہ داری قبول کرتی ہے۔
