بلوچستان کے ضلع کیچ کے علاقے مند بلوچ آباد میں 23 اکتوبر کو پاکستانی فورسز کے ہاتھوں حراست میں لیے جانے والے فہد ولد عثمان، حمود ولد محمد جان اور ہارون ولد محمد کی بازیابی کے لیے اہل خانہ اور شہریوں نے احتجاجی ریلی نکالی۔
ریلی میں خواتین، بچے اور دیگر مقامی افرادنے حصہ لیا۔ مظاہرین نے بینرز اور پلے کارڈز اٹھا رکھے تھے اور لاپتہ نوجوانوں کی فوری رہائی کا مطالبہ کیا۔
مظاہرین نے بتایا کہ مذکورہ نوجوانوں کو 23 اکتوبر کی رات حراست میں لیا گیا تھا اور اس کے بعد سے ان کا کوئی سراغ نہیں ملا۔ ریلی کے شرکاء نے حکومت اور اعلیٰ حکام سے اپیل کی کہ لاپتہ نوجوانوں کو فوری طور پر بازیاب کرایا جائے۔
مظاہرین نے پہلے بلوچ آباد میں احتجاجی دھرنا دیا بعدزاں مہیر میں روڈ بلاک کرکے احتجاج کیا گیا۔
