بلوچستان کے ضلع کیچ کے علاقے ہوشاب میں مسلح افراد نے پاکستانی فورسز پر حملہ کیا۔
ذرائع کے مطابق، آج شام چار بجے کے قریب مسلح افراد نے ہوشاب تَل میں قائم پاکستانی فورسز کے کیمپ کو بھاری ہتھیاروں سے نشانہ بنایا۔ حملے کے دوران کافی دیر تک فائرنگ اور دھماکوں کا سلسلہ جاری رہا، جس کے نتیجے میں فورسز کو جانی اور مالی نقصانات اٹھانے پڑے۔
اس حملے کی ذمہ داری تاحال کسی تنظیم نے قبول نہیں کی، تاہم ماضی میں بلوچ آزادی پسند تنظیمیں ایسے حملوں کی ذمہ داری قبول کرتی رہی ہیں۔
