بلوچ نیشنل موومنٹ (بی این ایم) کی جانب سے 11 اگست 2025 کو نیدرلینڈز کے شہر دی ہیگ میں ایک اہم بین الاقوامی کانفرنس کا انعقاد کیا جا رہا ہے، جس کا عنوان ہے: ،بلوچستان کا مقدمہ: خودارادیت اور بین الاقوامی خاموشی،۔
یہ کانفرنس بلوچستان کی آزادی کے اعلان کی 77ویں سالگرہ کے موقع پر منعقد کی جا رہی ہے، جس میں مختلف ممالک سے تعلق رکھنے والے قانونی ماہرین، انسانی حقوق کے کارکنان اور بین الاقوامی صحافی شرکت کریں گے۔
کانفرنس میں بلوچستان کی بین الاقوامی قانون کے تحت حیثیت، پاکستان کی جانب سے اس کے الحاق، اور خطے میں جاری انسانی حقوق کی پامالیوں پر تفصیلی گفتگو کی جائے گی۔
اس موقع پر شرکاء خودارادیت کے حق، انصاف اور عالمی اداروں کی خاموشی جیسے اہم موضوعات پر روشنی ڈالیں گے۔
