بلوچستان کے اضلاع پنجگور اور کیچ میں فائرنگ سے ایک نوجوان اور ایک کم عمر طالبعلم جاں بحق ہو گئے ہیں۔
ذرائع کے مطابق ضلع کیچ کے علاقے ہوشاپ میں مسلح افراد نے فائرنگ کر کے ایک نوجوان کو قتل کردیا۔ جاں بحق نوجوان کی شناخت دولت ولد چار شمبے کے نام سے ہوئی ہے جو تل کے رہائشی اور یونیورسٹی کے طالبعلم تھے۔
اطلاعات کے مطابق، دولت کو گاڑی میں سوار نامعلوم مسلح افراد نے نشانہ بنایا، جس کے نتیجے میں وہ موقع پر ہی دم توڑ گئے۔
علاقائی ذرائع کے مطابق حملہ آوروں کا تعلق سرکاری حمایت آفتہ ڈیتھ اسکواڈ سے تھا۔
دوسری جانب پنجگور کے علاقے سوردو میں 13 سالہ مدرسے کا طالبعلم فائرنگ کا نشانہ بن کر جاں بحق ہو گیا۔ پولیس ذرائع کے مطابق، طالبعلم پذیر ولد علی دوست، سکنہ حانے تل، گھروں سے روٹی جمع کرنے جا رہا تھا کہ نامعلوم افراد نے ایک گاڑی سے فائرنگ کر کے اسے نشانہ بنایا۔ گولیاں لگنے سے طالبعلم موقع پر ہی جاں بحق ہو گیا۔
پولیس تھانہ سریکوران کی ٹیم نے موقع پر پہنچ کر لاش کو تحویل میں لے کر ٹیچنگ اسپتال سٹی منتقل کیا۔ جاں بحق طالبعلم کی عمر تقریباً 13 سے 14 سال بتائی جاتی ہے۔
