وائس فار بلوچ مسنگ پرسنز نے اپنے جاری کردہ بیان میں کہا ہے کہ وی بی ایم پی کو شکایت موصول ہوئی ہے، کہ بلوچستان کے ضلع خاران سے عاصم ولد موسیٰ خان یلانزھی اور اسرار ولد فقیر محمد یلانزھی کو گزشتہ رات اُس وقت فورسز نے وڈھ چوکی کے قریب حراست میں لیا، جب وہ بازار سے اپنے گھر جا رہے تھے۔
انہوں نے کہا کہ لواحقین نے یہ بھی شکایت کی کہ عاصم اور اسرار کو حراست میں لینے کے بعد نامعلوم مقام پر منتقل کر دیا گیا، جس کے بعد سے ان کا کوئی پتہ نہیں چل سکا، کہ وہ کس ملکی ادارے کے حراست میں ہے، اور وہ کس حال میں ہے۔
وائس فار بلوچ مسنگ پرسنز کے چیرمین نصراللہ بلوچ نے دنوں نوجوانوں کی جبری گمشدگی کی مذمت کی، اور حکومت اور ملکی اداروں کے سربراہوں سے اپیل کی کہ اگر عاصم اور اسرار پر کوئی الزام ہے، تو انہیں منظر عام پر لاکر عدالت میں پیش کیا جائے، اگر وہ بےقصور ہے، تو انکی رہائی کو یقینی بنانے اپنی کردار ادا کرکے خاندان کو ذہنی اذیت سے نجات دلائی جائے۔
