بلوچستان کے ضلع آواران کی تحصیل مشکے میں مسلح افراد نے پاکستانی فورسز کو چار مختلف حملوں میں نشانہ بنا کر جانی و مالی نقصان پہنچایا۔
ذرائع کے مطابق، 21 جون کی شام سات بجے مسلح افراد نے ضلع آواران کے علاقے مشکے میں اوگار اور تنک میں قائم پاکستانی فورسز کی دو مختلف چیک پوسٹوں پر بیک وقت حملے کیے۔ حملے تقریباً آدھے گھنٹے تک جاری رہے۔
دوسری جانب، مسلح افراد نے مشکے کے علاقے اوگار کیمپ کے قریب کھیتوں میں گشت میں مصروف فورسز کے اہلکاروں کو نشانہ بنایا، جس کے نتیجے میں فورسز کو جانی و مالی نقصان کا سامنا کرنا پڑا۔ ذرائع کے مطابق، مسلح افراد نے قریب سے فورسز کے اہلکاروں کو نشانہ بنایا۔
ایک اور حملے میں، 22 جون کی شام مسلح افراد نے مشکے کے علاقے میسکی میں یو فون کے موبائل ٹاور پر حملہ کیا، جس کے دوران ٹاور کی سولر پینلز اور دیگر مشینری کو نذر آتش کر کے مکمل طور پر تباہ کر دیا گیا۔
ان علاقوں میں پاکستانی فورسز پر ہونے والے حملوں کی ذمہ داری بلوچستان لبریشن فرنٹ نے قبول کی ہے، تاہم ان حملوں کی ذمہ داری تاحال کسی تنظیم نے باضابطہ طور پر قبول نہیں کی ہیں۔
