بلوچستان لبریشن فرنٹ کے ترجمان میجر گہرام بلوچ نے میڈیا کو جاری کردہ بیان میں کہا ہے کہ سرمچاروں نے 18 جون کی رات 9:00 بجے کیچ کے علاقے مند گوک میں قائم قابض پاکستانی فورسز کی چوکی کو راکٹ لانچر اور دیگر بھاری ہتھیاروں سے نشانہ بنایا۔
انہوں نے کہا کہ سرمچاروں نے انتہائی قریب سے دشمن فورسز کی چیک پوسٹ کو نشانہ بنایا، جس کے باعث چوکی میں موجود فوجی اہلکاروں کی آہ و زاری کی آوازیں سنی گئیں۔ حملے میں دشمن فورسز کے دو اہلکار ہلاک اور متعدد زخمی ہوئے۔
