بلوچستان کے ساحلی شہر پسنی کے علاقے ببرشور، وارڈ نمبر 1 میں نامعلوم مسلح افراد کی فائرنگ سے دو لیویز اہلکار زخمی ہوگئے۔
عینی شاہدین کے مطابق، شبیر اور صغیر نامی دونوں اہلکار محلے کی ایک دکان پر بیٹھے تھے جب نامعلوم موٹر سائیکل سواروں نے ان پر فائرنگ کی۔
زخمیوں کو فوری طور پر پاک عمان اسپتال منتقل کر دیا گیا، جہاں ان کا علاج جاری ہے۔
فائرنگ کی وجوہات تاحال معلوم نہیں ہو سکیں، تاہم پولیس اور لیویز حکام نے واقعے کی تحقیقات شروع کر دی ہیں۔
