بلوچستان کے ضلع آواران کی تحصیل مشکے میں پاکستانی فوج نے دو زیرِ حراست افراد کو قتل کر کے ان کی لاشیں میں پھینک دیں۔
ذرائع کے مطابق قتل کیے گئے لاپتہ افراد کی شناخت نذر احمد ولد جان محمد اور علی محمد ولد حکیم کے ناموں سے ہوئی ہے۔ نذر احمد کو پاکستانی فوج نے 23 دسمبر 2024 کو، جبکہ علی محمد کو 1 فروری 2025 کو مشکے کے بازار کنڈری سے حراست میں لینے کے بعد جبری طور پر لاپتہ کیا تھا۔
دونوں افراد کی گولیوں سے چھلنی لاشیں آج پاکستانی فوج کی جانب سے مشکے اسپتال منتقل کی گئی ہیں۔
واضح رہے کہ بلوچستان بھر میں جعلی مقابلوں اور پہلے سے زیرِ حراست افراد کو قتل کر کے ان کی لاشیں ویرانوں میں پھینکنے کا سلسلہ کئی سالوں سے جاری ہے، تاہم 2025 میں ایسے واقعات میں نمایاں اضافہ دیکھنے میں آیا ہے۔
مشکے میں اس سے قبل بھی متعدد افراد کو اسی نوعیت کے واقعات میں قتل کیا جا چکا ہے۔
