بلوچستان کے ضلع مستونگ کے رہائشی سید منظور شاہ نے جمعرات کے روز سراوان پریس کلب مستونگ میں پریس کانفرنس کرتے ہوئے کہا ہے کہ گزشتہ دنوں لکپاس کے قریب پاکستانی فورسز کی فائرنگ سے میرا بیٹا جانبحق ہوا ۔ انہوں نے اپنے جوانسال فرزند سید احسان شاہ کے قاتل کے خلاف کاروائی اور انصاف کی فراہمی کا مطالبہ کیا ۔
انہوں نے کہا کہ میرا بیٹا دو جون کو عید کی شاپنگ کے لئے کوئٹہ گئے رات کو وہاں رشتہ دار کے ہاں ٹھہرا اور اگلے روز مستونگ کے لئے نکلا تو شام کو مجھے انتظامیہ کا فون آیا تمھارا بیٹا روڈ حادثے میں زخمی ہوا ہے جب میں وہاں گیا تو معلوم ہوا کہ اسے ایف سی نے فائرنگ کرکے قتل کیا ہے ۔
انہوں نے کہا کہ یہ ظلم ہے اور مجھے انصاف چاہیے ، میرے جوانسال بیٹے کو بلاوجہ راہ چلتے ایف سی نے شہید کیا ہے۔
