کیچ: لاپتہ صادق واجداد اور پیرداد عقیل کی عدم بازیابی کے خلاف ان کے اہل خانہ نے علاقہ مکینوں کے ہمراہ ضلع کیچ کے علاقے بالگتر میں سی پیک شاہراہ (ایم-8) کو ایک بار پھر دھرنا دے کر بلاک کر دیا ہے۔
احتجاجی دھرنا بالگتر کے مقام سھاکی پر دیا گیا ہے، جہاں مظاہرین نے ٹریفک کی آمدورفت معطل کر دی۔ مظاہرین کا کہنا ہے کہ جب تک ان کے پیاروں کی بازیابی عمل میں نہیں آتی احتجاج جاری رہے گا۔
یاد رہے کہ رواں ہفتے کے آغاز میں بھی مذکورہ خاندانوں نے اسی مقام پر دھرنا دیا تھا جو بعد ازاں ضلعی انتظامیہ سے مذاکرات کے بعد مشروط طور پر ختم کر دیا گیا تھا۔ تاہم حکومتی یقین دہانیوں کے باوجود لاپتہ افراد کی بازیابی نہ ہونے پر مظاہرین نے دوبارہ سڑک بند کرنے کا فیصلہ کیا۔
