بلوچ لبریشن آرمی کے ترجمان جیئند بلوچ نے ایک بیان میں کہا ہے کہ بلوچ لبریشن آرمی کی ایلیٹ یونٹ اسپیشل ٹیکٹیکل آپریشنز اسکواڈ ( ایس ٹی او ایس) نے آپریشن درہ بولان کے تحت، بولان، مچھ و گردونواح کے تمام داخلی و خارجی راستوں کا کنٹرول سنبھال لیا ہے اور تمام راستوں پر مائن بچھائے گئے ہیں، لہٰذا ہم بلوچ عوام کو آگاہ کرنا چاہتے ہیں کہ وہ ان راستوں پر کسی بھی نقل و حرکت سے گریز کریں۔
جیئند بلوچ نے کہا ہے کہ بلوچ سرمچاروں نے پیر غیب بولان میں دشمن فوج کے کیمپ پر حملہ کرکے دس سے زائد اہلکاروں کو ہلاک کردیا ہے۔ اس کے ساتھ ساتھ مچھ شہر تاحال مکمل طور پر بلوچ سرمچاروں کے کنٹرول میں ہے۔
ترجمان نے کہا کہ مزید تفصیلات جلد میڈیا کو جاری کی جائینگی۔
دوسری جانب علاقائی ذرائع کا کہنا ہے کہ پاکستان فوج کی گن شب و دیگر ہیلی کاپٹر علاقے میں پہنچ چکے ہیں۔
ذرائع کا کہنا ہے کہ ہیلی کاپٹروں اور جاسوس طیاروں کی پروازیں گذشتہ رات سے جاری ہے تاہم صبح سویرے مزید گن شپ و دیگر ہیلی کاپٹر علاقے میں پہنچ چکے ہیں۔ جبکہ گذشتہ رات سے علاقے میں مسلسل فائرنگ اور دھماکوں کی آواز سے علاقہ گونج رہاہے ۔
