بلوچستان کے ضلع آواران کے علاقے کولواہ میں پاکستانی فوج اور خفیہ اداروں کے اہلکاروں نے ایک نوجوان کو فائرنگ کر کے قتل کر دیا، جس کے بعد مقتول کی لاش پھینک دی گئی۔
مقامی ذرائع کے مطابق جاں بحق نوجوان کی شناخت عزیز ولد نور محمد کے نام سے ہوئی ہے جو گشانک کا رہائشی تھا۔ اطلاعات کے مطابق پاکستانی فورسز نے نوجوان کو اپنے پاس بلایا اور بعد ازاں فائرنگ کر کے قتل کر دیا۔
واضح رہے کہ رواں ماہ کولواہ میں پاکستانی فورسز کے ہاتھوں خاتون سمیت چھ افراد قتل اور ایک خاتون کو زخمی ہوا ہے۔
