بلوچستان کے ضلع واشک کے علاقے سکن میں آج صبح پاکستانی فورسز کی ایک گاڑی کو دھماکے میں نشانہ بنایا گیا ہے۔واقعہ اس وقت پیش آیا جب فورسز علاقے میں فوجی جارحیت میں مصروف تھیں۔
ذرائع کے مطابق دھماکہ اشدید نوعیت کا تھا جس کے نتیجے میں گاڑی مکمل طور پر تباہ ہوگئی۔ گاڑی میں سوار تمام اہلکار ہلاک و زخمی ہوئے ہیں۔
واضح رہے کہ گزشتہ دو سے تین دنوں سے پاکستانی فورسز بڑی تعداد میں سکن اور گرد و نواح کے علاقوں میں آپریشن میں مصروف تھیں۔ آج نامعلوم مسلح افراد کی جانب سے کیے گئے اس دھماکے نے فورسز کو شدید جانی و مالی نقصان پہنچا ہے۔
تاہم تاحال حکام کے جانب سے نقصانات کے حوالے کوئی موقف سامنے نہیں آیا ہے۔
تاحال کسی بھی تنظیم نے حملے کی ذمہ داری قبول نہیں کی ہے، تاہم بلوچستان میں ہونے والے بیشتر حملوں کی ذمہ داریاں بلوچ مسلح تنظیمیں قبول کرتے رہے ہیں۔ حالیہ دنوں میں پاکستانی فورسز کو متعدد سنگین حملوں کا سامنا کرنا پڑا ہے۔
