بلوچستان کے ضلع کیچ کے مرکزی شہر تربت میں آج صبح پاکستانی فورسز اور بلوچ سرمچاروں کے درمیان جھڑپ ہوئی، جس کے نتیجے میں دو بلوچ سرمچار شہید ہوئے تھے۔
شہداء کی شناخت امجد ولد بشام ساکن کولواہی بازار آپسر اور صبر اللہ ولد یار محمد سکنہ سنگانی سر کے ناموں سے ہوئی ہیں۔ جھڑپ کے دوران فورسز کے دو اہلکاروں کے زخمی ہونے کی بھی اطلاعات موصول ہوئی ہیں جس کی تصدیق قابض فورسز نے کی ہے۔
جھڑپ کی ایک ڈرون فوٹیج بھی منظرِ عام پر آئی ہے جس میں دیکھا جا سکتا ہے کہ بلوچ سرمچاروں کا ڈرون کے ذریعے پیچھا کیا جا رہا تھا۔ جیسے ہی سرمچار ایک تنگ گلی میں داخل ہوئے دونوں جانب سے فائرنگ کا تبادلہ شروع ہوا جس کے نتیجے میں دونوں بلوچ سرمچار موقع پر شہید ہو گئے۔
تاہم تاحال کسی مسلح تنظیم کے جانب اس جھڑپ سے متعلق کوئی بیان نہیں آیا ہے۔
