بلوچستان کے ضلع خضدار کے علاقے گریشہ گونی میں نامعلوم مسلح افراد نے آج رات لیویز چیک پوسٹ پر حملہ کر کے قبضہ کیا۔ ذرائع کے مطابق حملہ آور چیک پوسٹ میں موجود تمام سرکاری اسلحہ اپنے ساتھ لے گئے ہیں۔
تاہم واقعے میں کسی قسم کی جانی نقصان نہیں ہوا ہے، لیویز اہلکاروں کو تنبیہ کے بعد رہا کردیا گیا ہے۔
واضح رہے کہ آج بلوچستان کے علاقے کچھی میں بھی اسی نوعیت کا واقعہ پیش آیا، جہاں مسلح افراد نے لیویز چیک پوسٹ پر دھاوا بول کر سرکاری اسلحہ قبضے میں لے لیا۔
تاہم کسی تنظیم نے تاحال ان حملوں کی ذمہ داری قبول نہیں کی ہے۔
