بلوچستان کے ضلع چاغی میں نامعلوم مسلح افراد نے پاکستانی فورسز کے اہلکاروں کو نشانہ بنایا، جس کے نتیجے میں دو اہلکار ہلاک ہو گئے۔
ذرائع کے مطابق چاغی کے علاقے نوکآباد میں آج شام تقریباً پانچ بجے مسلح افراد نے موٹر سائیکل پر سوار دو فوجی اہلکاروں پر اس وقت حملہ کیا جب وہ کیمپ سے بازار کی جانب جا رہے تھے۔ حملے کے نتیجے میں دونوں اہلکار موقع پر ہی ہلاک ہو گئے۔
تاحال حکام کی جانب سے کوئی موقف سامنے نہیں آیا ہے اور نہ ہی کسی تنظیم نے اس حملے کی ذمہ داری قبول کی ہے۔
