خضدار کے علاقے وڈھ میں واقع باران لک چیک پوسٹ پر بسوں کی تلاشی کے دوران ایک مسافر کی فائرنگ سے سیکورٹی فورسز کا اہلکار زخمی ہو گیا۔
مقامی ذرائع کے مطابق سیکورٹی فورسز کی جانب سے مسافر کوچز کو روزانہ کی بنیاد پر طویل وقت تک روکنا معمول بن چکا ہے، جس پر مسافروں میں شدید بے چینی پائی جاتی ہے۔ اسی دوران ایک بس میں سوار مسافر نے فائرنگ کر دی جس سے ایک اہلکار زخمی ہوا۔
فائرنگ کے بعد مسافر کوچ جائے وقوعہ سے فرار ہو گئی تاہم بتایا جا رہا ہے کہ نمی چیک پوسٹ پر روکے جانے کے بعد فورسز نے کوچ کو تحویل میں لے کر فائرنگ میں ملوث شخص کو گرفتار کر لیا۔
