بلوچستان کے ضلع بولان اور کیچ میں پاکستانی فورسز کی زمینی اور فضائی فوجی جارحیت جاری ہیں۔
ذرائع کے مطابق بولان کے مختلف علاقوں، سانگان اور جالڑی کے قریب پاکستانی فورسز کی بڑی تعداد دیکھی گئی ہے جبکہ نگرانی کے لیے ڈرونز اور ہیلی کاپٹر بھی گشت کر رہے ہیں۔
تاہم تاحال کسی گرفتاری یا جانی نقصان کی اطلاع موصول نہیں ہوئی ہے۔
دوسری جانب زامران اور پروم کے درمیانی علاقوں میں بھی پاکستانی فورسز کی فوجی جارحیت جاری ہیں، جبکہ مختلف مقامات پر ہیلی کاپٹروں سے شیلنگ کی گئی ہے۔
اسی طرح زامران کے علاقے ساہ دیم میں نامعلوم مسلح افراد نے پاکستانی فورسز کی ایک چوکی پر حملہ کیا، جس میں فورسز کو نقصان پہنچا ہے۔
یاد رہے کہ 24 گھنٹوں کے اندر زامران میں یہ چوتھا حملہ ہے۔
