بلوچستان کے ساحلی ضلع گوادر اور تحصیل پسنی سے پاکستانی فورسز نے 7 بلوچ نوجوانوں کو حراست میں لے کر جبری طور پر لاپتہ کر دیا ہے۔
تفصیلات کے مطابق گوادر کے علاقے کنٹانی سے 5 مئی کو فورسز نے چھ نوجوانوں کو حراست میں لیا جن کی شناخت نذیر احمد ولد رحمت اللہ، لیاقت علی ولد محمد انور شاہوانی، حکمت اللہ ولد عزیز اللہ شاہوانی، وزیر احمد ولد رحمت اللہ، ممتاز علی ولد محمد اسماعیل شاہوانی اور اقبال ولد غلام رسول شاہوانی کے ناموں سے ہوئی ہیں۔ تمام لاپتہ افراد کا تعلق ضلع خضدار کے علاقے نال سے ہے اور وہ پیشے کے لحاظ سے مزدور بتائے جاتے ہیں۔
ادھر 6 مئی کو پسنی کے علاقے ریک پشت سے ایک اور نوجوان سرتاج ولد صالح محمد کو بھی فورسز نے ایک دکان سے حراست میں لے کر لاپتہ کر دیا۔ سرتاج ایک ماہی گیر ہے اور مقامی رہائشی بتایا جاتا ہے۔
