اطلاعات کے مطابق آج دوپہر دو بجے کیچ کے علاقے زامران میں کوتان کے مقام پر قائم پاکستانی فورسز کی ایک چوکی پر مسلح افراد نے حملہ کیا، حملے کے نتیجے میں فورسز کو جانی و مالی نقصان کا سامنا کرنا پڑا۔
دوسری جانب کلانچ میں امبی اور تلار کے مقامات پر گزشتہ روز نامعلوم مسلح افراد نے ایک پولیس چوکی اور مواصلاتی ٹاور پر حملہ کیا ہے۔ حملے کے دوران ٹاور کو مشینری سمیت نذر آتش کر دیا گیا، جبکہ پولیس چوکی کو بھی نقصان پہنچایا گیا ہے۔
ایک اور کاروائی میں پنجگور کے علاقے پروم میں نامعلوم مسلح افراد نے پاکستانی فورسز کو رسد فراہم کرنے والی ایک گاڑی کو اپنی تحویل میں لے لیا۔
تاہم، مذکورہ کارروائیوں کی ذمہ داری تاحال کسی تنظیم نے قبول نہیں کی ہے۔
