آواران میں مسلح افراد نے بارہ گھنٹوں تک سڑک پر ناکہ بندی کرکے گاڑیوں کی سخت چیکنگ کی اور عوام سے خطاب کیا۔
ذرائع کے مطابق مسلح افراد نے آج صبح چھ بجے سے شام چھ بجے تک پیراندر اور کنیرہ کے درمیان مشکے روڈ پر ناکہ بندی کرکے چیکنگ کی۔ اس دوران آنے اور جانے والے مسافروں کے شناختی کارڈ چیک کیے گئے اور بعد ازاں انہیں بلوچ آزادی کی جدوجہد کے بارے میں آگاہی دی گئی۔
اس دوران مسلح افراد نے سڑک تعمیر کرنے والی گاڑیوں کو بھی روک کر ڈرائیوروں کو تنبیہ کی، تاہم ڈرائیوروں سمیت گاڑیوں کو کوئی نقصان نہیں پہنچایا گیا۔
مقامی ذرائع کے مطابق مسلح افراد آزادی پسند سرمچار تھے، تاہم اس کارروائی کی ذمہ داری تاحال کسی تنظیم نے قبول نہیں کی ہے۔
