خاران میں دو مختلف مقامات سے دو لاشیں برآمد ہوئی ہیں، تفصیلات کے مطابق ایک لاش کلی کشمیر سے ملی جبکہ دوسری لاش گواش روڈ سوربڈو کے علاقے سے برآمد ہوئی
ہے۔
کلی کشمیر سے ملنے والی لاش کی شناخت حفیظ اللہ ولد داد محمد ساکن گزی ضلع خاران کے طور پر ہوئی ہے۔ ذرائع کے مطابق حفیظ اللہ 26 اپریل سے لاپتہ تھا۔ اسے قتل کر کے لاش کو بوری میں بند کر کے گندم کے کھیت میں پھینک دیا گیا تھا۔ پولیس نے حفیظ اللہ کے لاپتہ ہونے کے مقدمے میں لاش کی برآمدگی سے قبل ہی پانچ افراد کو گرفتار کر کے تفتیش شروع کر دی تھی جو اس وقت پولیس کی حراست میں ہیں۔
دوسری لاش گواش روڈ سوربڈو کے علاقے سے ملی ہے جس کی تاحال شناخت نہیں ہو سکی۔ ذرائع کے مطابق لاش کے ساتھ مبینہ طور پر تین رنگوں والی ایک پرچم بھی رکھی گئی تھی۔ مقتول کو گولیوں کا نشانہ بنایا گیا تھا۔
تاہم قتل کے وجوہات تاحال معلوم نہیں ہوسکے ہیں۔
