بلوچستان کے ضلع قلات کے علاقے منگچر میں نامعلوم مسلح افراد کی فائرنگ سے پنجاب سے تعلق رکھنے والے چار افراد ہلاک ہو گئے۔
لیویز حکام کے مطابق چاروں افراد مزدور تھے جو ایک ٹیوب ویل پر کام کر رہے تھے جب انہیں نشانہ بنایا گیا۔
ذرائع کے مطابق ہلاک ہونے والوں میں تین کا تعلق صادق آباد اور ایک کا تعلق رحیم یار خان سے ہے۔ ہلاک ہونے والوں کی شناخت منور، ذیشان، امین اور دلاور کے ناموں سے ہوئی ہے۔
بتایا جا رہا ہے کہ یہ مزدور صادق آباد سے خضدار بورنگ کے کام کے لیے آئے تھے۔
لاشوں کو پوسٹ مارٹم کے لیے کوئٹہ کے اسپتال منتقل کر دیا گیا ہے، جبکہ واقعے کے محرکات تاحال معلوم نہیں ہو سکے۔
