بلوچستان کے ضلع ڈیرہ بگٹی کی تحصیل سوئی میں فائرنگ کے ایک واقعے میں دو افراد ہلاک ہو گئے۔
مقامی ذرائع کے مطابق وزیر اعلیٰ بلوچستان سرفراز بگٹی کے مسلح گروہ سے تعلق رکھنے والے صمد ہمزانی نے آج سوئی کے علاقے جانی بیڑی میں ایک مقامی شخص کی زمین پر قبضہ کرنے کی کوشش کی۔ اس دوران پیش آنے والی فائرنگ کے نتیجے میں دو افراد جان کی بازی ہار گئے۔
ہلاک ہونے والوں کی شناخت میر ہوتکانی بگٹی اور ضلا ہوتکانی بگٹی کے ناموں سے ہوئی ہے۔ تاہم واقعے پر ضلعی انتظامیہ کی جانب سے تاحال کوئی موقف سامنے نہیں آیا۔
