25 اپریل 2025 کو رات تین بجے کے قریب بلوچستان کے علاقے تمپ بوستان میں پاکستانی فورسز نے چھاپہ مار کر دو کمسن بچوں کو جبری طور پر لاپتہ کردیا۔
لاپتہ ہونے والے کمشن نوجوانوں کی شناخت شمیم ولد غفار جن کی عمر 10 سال ہے اور عارف ولد رسول بخش جن کی عمر 15 سال ہے، کے ناموں سے ہوئی ہے۔
علاقائی ذرائع کے مطابق چھاپے کے دوران پاکستانی فورسز نے اہلِ خانہ پر تشدد کیا اور انہیں شدید دھمکیاں دیتے ہوئے دونوں کو اپنے ساتھ لے گئیں۔ لواحقین کا کہنا ہے کہ انہیں سختی سے خاموش رہنے اور کسی سے رابطہ نہ کرنے کی دھمکی دی گئی، لواحقین نے مطالبہ کیا ہے کہ ہمارے مغوی بچوں کو فوری طور پر بازیاب کرایا جائے۔
دوسری جانب تمپ کے علاقے تگران آباد میں بھی پاکستانی فورسز نے ایک گھر پر چھاپہ مار کر ایک نوجوان، مجاہد ولد اللہ داد کو حراست میں لے کر نامعلوم مقام پر منتقل کردیا۔
