ضلع کیچ کے علاقے بلیدہ گلی سے تعلق رکھنے والے عمر جان ولد حسن نامی نوجوان کو آج نامعلوم مسلح افراد نے اغوا کر لیا۔
خاندانی ذرائع کے مطابق عمر جان صبح اپنے معمولات کے سلسلے میں گھر سے نکلا تھا لیکن کچھ ہی دیر بعد اطلاع ملی کہ اسے زبردستی گاڑی میں بٹھا کر اغوا کر لیا گیا ہے۔
اہل خانہ کا کہنا ہے کہ عمر جان کی کسی سے کوئی ذاتی یا خاندانی دشمنی نہیں تھی اور وہ ایک پُرامن شہری کے طور پر جانے جاتے ہیں۔
خاندان نے حکام اور انتظامیہ سے مطالبہ کیا ہے کہ وہ فوری ایکشن لیں اور عمر جان کی بازیابی کو یقینی بنائیں اور واقعے میں ملوث عناصر کو قانون کے کٹہرے میں لایا جائے۔
