شال بلوچستان لیویز فورس کوئٹہ کے ڈائریکٹر جنرل کی جانب سے جاری کردہ ایک حکم نامے کے مطابق لیویز فورس سے تعلق رکھنے والے 15 اہلکاروں کو ڈیوٹی سے مسلسل غیر حاضری، فرائض میں غفلت، بد نظمی اور اعلیٰ حکام کے احکامات نہ ماننے پر نوکری سے برخاست کر دیا گیا ہے۔
یہ تمام اہلکار سی پیک ونگ اور ایس ایس ای پی یو ونگ سے تعلق رکھتے تھے اور بلوچستان کے مختلف اضلاع سبی، سوراب، خضدار، تربت اور پنجگور میں تعینات تھے۔ ان اہلکاروں کو پاکستان ریلوے کی جانب سے شال سے جعفرآباد تک سیکیورٹی کے فرائض کے لیے بھیجا گیا تھا، مگر وہ بغیر کسی پیشگی اطلاع یا اجازت کے ڈیوٹی سے غیر حاضر رہے۔
محکمہ کے مطابق ان اہلکاروں کی غیر حاضری نے ادارے میں بد نظمی، انتظامی مسائل اور نافرمانی کی فضا کو جنم دیا، جس کی وجہ سے لیویز فورس کی کارکردگی متاثر ہوئی۔
برخاست کیے گئے اہلکاروں کے نام درج ذیل ہیں:
خالق داد (سبی)
ظہیر احمد (سبی)
گل محمد (سبی)
یاسر احمد (سوراب)
ظہیر احمد (خضدار)
زاہد احمد (خضدار)
عابد حسین (خضدار)
عبدالحفیظ (خضدار)
صغیر احمد(تربت)
صادق سفر (تربت)
سعید احمد (تربت)
جلال مراد (تربت)
تنویر احمد (پنجگور)
محمد حسین (پنجگور)
ساجد علی (پنجگور)
ڈائریکٹر جنرل لیویز عبدالغفار مگسی کے دستخط سے جاری حکم نامے میں متعلقہ اداروں کو ہدایت کی گئی ہے کہ برطرف شدہ اہلکاروں کی ماہانہ تنخواہیں فوری طور پر بند کی جائیں اور وہ کسی بھی سرکاری سروس کا مزید حصہ نہیں رہیں گے۔
رزمبش کو موصولہ اطلاعات کے مطابق یہ کارروائی لیویز فورس کے اندر بلوچ سرمچاروں کے منظم اور پڑھتے ہوئے کاروائیوں کے مقابلے میں بڑھتی ہوئی غیر ذمہ داری اور بد نظمی کے خلاف سخت اقدامات کا تسلسل ہے۔
