انسانی حقوق کی علمبردار ڈاکٹر ماہ رنگ بلوچ کے کیس سی پی نمبر 358/25 کا محفوظ فیصلہ بلوچستان ہائی کورٹ نے سنا دیا۔ عدالت نے ان کی آئینی درخواست کو نمائندگی میں تبدیل کرتے ہوئے کارروائی کے لیے سیکریٹری داخلہ بلوچستان کو ارسال کرنے کی ہدایت کی ہے۔
فیصلہ ہائی کورٹ کے دو رکنی بنچ نے سنایا، جس میں عبوری چیف جسٹس اعجاز سواتی اور جسٹس عامر رانا شامل تھے۔ یہ فیصلہ نادیہ بلوچ بنام گورنمنٹ آف بلوچستان کیس میں سنایا گیا، جس میں عدالت نے قرار دیا کہ درخواست گزار کو سب سے پہلے اپنی شکایات وزارتِ داخلہ کے سامنے پیش کرنی چاہیے۔
عدالت نے انہی وجوہات کی بنیاد پر ڈاکٹر ماہ رنگ بلوچ کی جانب سے دائر کی گئی ضمانت کی درخواست بھی مسترد کر دی۔
ڈاکٹر ماہ رنگ بلوچ کی وکیل عمران نے اس فیصلے کی تصدیق سماجی رابطے کی ویب سائٹ (ایکس) پر کی۔
