بلوچستان کے درالحکومت شال سے تعلق رکھنے والے دو نوجوانوں کو پاکستانی فورسز نے اس وقت جبری طور پر لاپتہ کر دیا جب وہ پکنک منانے کے بعد گھر واپس آ رہے تھے۔
شال کے رہائشی محمد یاسر نے بتایا کہ اس کا بھائی محمد مدثر ولد محمد ظاہر شاہوانی اپنے دوست مدثر ولد منظور کے ہمراہ کوئٹہ سے سبی گیا تھا۔ دونوں نوجوان 11 مارچ کو سبی سے واپسی کے لیے روانہ ہوئے تھے، لیکن اس کے بعد سے اب تک گھر نہیں پہنچے۔
محمد یاسر کے مطابق انھوں نے دونوں کی ہر ممکن جگہ پر تلاش کی، لیکن ابھی تک ان کے بارے میں کوئی اطلاع نہیں ملی۔ انہوں نے متعلقہ اداروں سے درخواست کی ہے کہ دونوں نوجوانوں کو بازیاب کرایا جائے۔
