بلوچستان لبریشن فرنٹ کے ترجمان میجر گہرام بلوچ نے میڈیا کو بیان جاری کرتے ہوئے کہا کہ 11 اپریل کی رات 12 بجے بی ایل ایف کے سرمچاروں نے جیونی کے علاقے کپتگی میں جاسوسی کے لیے نصب موبائل کمپنی زونگ کے ٹاور پر حملہ کیا اور وہاں موجود تمام مشینری کو نذر آتش کر کے تباہ کر دیا۔
انھوں نے کہا کہ بی ایل ایف اس حملے کی ذمہ داری قبول کرتی ہے اور موبائل کمپنیوں کو تنبیہ کرتی ہے کہ وہ اپنے نیٹ ورکس کو بلوچ سرمچاروں اور عوام کے خلاف قابض پاکستانی فوج اور خفیہ اداروں کی سہولت کاری کا ذریعہ بنانے سے گریز کریں بصورتِ دیگر ان کے ٹاورز پر حملے اور مشینری کو نقصان پہنچانے کی کارروائیاں جاری رہیں گی۔
