پاکستان فوج کے تعلقات عامہ آئی ایس پی آر نے جاری بیان میں کہاہے کہ بلوچستان کے ضلع ژوب کےعلاقے سمبازا میں آپریشن کیا گیا، دوران آپریشن فورسز اور مسلح افراد کے درمیان فائرنگ کا شدید تبادلہ ہوا۔
آئی ایس پی آر کے مطابق آپریشن کے دوران 7 مشتبہ افراد کو مار دیا گیا ہے، جن کے قبضے سے ہتھیار، گولیاں اور دھماکا خیز مواد برآمد ہوا ہے۔
آئی ایس پی آر کا کہنا ہے کہ علاقے میں کلیئرنس آپریشن جاری ہے۔
آپ جانتے ہیں ژوب سمیت بلوچستان کے مختلف علاقوں میں اس سے قبل بھی پاکستانی فورسز نے مقابلوں میں متعدد افراد کو قتل کیا ہے جہاں بعد میں ان افراد کی شناخت پہلے سے زیر حراست یا لاپتہ افراد کے طور پر ہوئی ہے۔
گذشتہ سال نومبر میں ہی مذکورہ علاقے میں فورسز نے آپریشن کے دؤران چھ افراد کو مارنے کا دعویٰ کیا تھا- تاہم آج ژوب میں مبینہ مقابلے میں مارے گئے افراد کی شناخت تاحال حکام نے ظاہر نہیں کی ہے۔
