بلوچ نیشنل مومنٹ بی این ایم کے چیئرمین ڈاکٹر نسیم بلوچ نے سوشل میڈیا کے پلیٹ فارم ایکس پر اپنے ایک پوسٹ میں لکھا ہے کہ مغربی بلوچستان کے علاقے حق آباد میں پاکستانی فوج کے میزائل حملے میں شہید ہونے والے بی این ایم کے کارکن دوست محمود بلوچ، ان کی اہلیہ، بچوں اور نجمہ کو انکی شہادت پر خراج عقیدت پیش کرتے ہیں۔
انہوں نے کہا ہے کہ وہ پناہ گزین تھے، پاکستانی فوجی جارحیت کی وجہ سے آبائی گاؤں پروم چھوڑ چکے تھے۔ آج، ان پر عسکریت پسندی کا لیبل لگا کر بے دردی سے قتل کر دیا گیاہے،جو کہ پاکستان کی طرف سے اپنے جرائم کو چھپانے کے لیے ایک کھلا جھوٹ ہے۔
بی ایم کے چیئرمین نے کہا ہے کہ خواتین، بچوں اور نہتے شہریوں سمیت معصوم جانوں کا ضیاع دل دہلا دینے والا ہے۔ پاکستان کا احتساب ہونا چاہیے۔ دنیا بھر میں بلوچ مہاجرین کے تحفظ کے لیے ہماری یو این ، یو این ایچ سی آر اور عالمی برادری سے بار بار کی جانے والی اپیلوں پر کوئی توجہ نہیں دی گئی۔ آج کا واقعہ تمام خاموش مبصرین کے لیے جاگنے کی سبب ہونا چاہیے.
