بلوچ نیشنل موومنٹ کے چیئرمین ڈاکٹر نسیم بلوچ نے اپنے ایک بیان نےں کہا ہے کہ پاکستانی حکومت نے بلوچستان کے علاقے دالبندین میں انٹرنیٹ سروس بند کر دی ہے۔ یہ بلوچ قومی آواز کو دبانے کا ایک حربہ ہے جب کہ پاکستان ہمارے نوجوانوں کو قتل، جبری گمشدگی کر رہے ہیں انہیں غیر قانونی اور غیر اعلانیہ حراستی مراکز میں جبرا قید کر رہے ہیں –
انہوں نے کہا ہے کہ اس کے علاوہ، وہ ہمیں ایک ساتھ ہوکر ماتم کرنے اور رونے کے بنیادی حق سے بھی روکتے ہیں۔ کیا ہمیں پرامن طریقے سے جمع ہونے اور اپنے دکھ اور غم کا اظہار کرنے کا بنیادی حق نہیں ہے؟
ڈاکٹر نسیم بلوچ نے کہا ہے کہ دالبندین میں بڑی تعداد میں فورسز کی تعیناتی بلوچ یکجہتی کمیٹی (BYC) کے زیر اہتمام پرامن اجتماع پر ایک اور خونی کریک ڈاؤن کا خدشہ ظاہر کرتی ہے۔ اس سے 28 جولائی کے گوادر کے واقعے کے دوبارہ ہونے کا خدشہ پیدا ہوتا ہے، جہاں اجتماع کے دوران چار بلوچوں کو شہید کیا گیا تھا۔
انہوں نے کہا ہے کہ ہم عالمی برادری پر زور دیتے ہیں کہ وہ بلوچ عوام کے خلاف تشدد کو روکنے اور پرامن احتجاج کے دوران ان کی حفاظت کو یقینی بنانے کے لیے فوری مداخلت کرے۔
