بلوچ آزادی پسند رہنما اور بلوچ نیشنل موومنٹ کے سابق جنرل سیکریٹری رحیم ایڈوکیٹ بلوچ نے میر سفیر بلوچ کی بی این ایم میں شمولیت پر خیرمقدم کرتے ہوئے کہا کہ میں میر سفیر کو بی این ایم میں شمولیت پر خوش آمدید کہتا ہوں۔ میر سفیر ایک تجربہ کار، شعور یافتہ اور بلوچ قومی آزادی کے مقصد سے وابستہ سیاسی لیڈر ہے۔ امید کرتا ہوں کہ وہ اپنا سیاسی سوج بوجھ، شعور، تجربہ اور معاشرتی اثر، قومی آزادی کے لئے بی این ایم کا پیغام بلوچستان کے کونے کونے تک پہنچانے اور بلوچ قومی تحریک آزادی کے منزل تک پہنچانے میں استعمال کرینگے۔
