جنوبی کوریا( مانیٹرنگ ڈیسک ) جنوبی کوریا کے ایک ہوائی اڈے پر 181 افراد کو لے جانے والا طیارہ حادثے کا شکار ہو گیا ہے جس کے نتیجے میں کم از کم 85 افراد ہلاک ہو گئے ہیں۔
اطلاعات کے مطابق جیجو ایئر کا طیارہ تھائی لینڈ کے شہر بنکاک سے واپس جا رہا تھا اور لینڈنگ کے دوران حادثہ پیش آیا۔
جنوبی کوریا کی خبر رساں ایجنسی یونہاپ کے مطابق ریسکیو آپریشن جاری ہے جس میں دو شخص زندہ ملے ہیں۔
جنوبی کوریا کی خبر رساں ایجنسی کے مطابق طیارہ ملک کے جنوب مغرب میں واقع موان انٹرنیشنل ایئرپورٹ کے رن وے سے پھسل کر دیوار سے جا ٹکرایا۔
نیشنل فائر ایجنسی کے مطابق ہلاک ہونے والے 85 افراد میں 46 خواتین اور 39 مرد شامل ہیں۔
ہوائی اڈے کے ایک عہدیدار نے خبر رساں ادارے روئٹرز کو بتایا کہ امدادی کارروائی میں مصروف اہلکار طیارے کے عقبی حصے میں موجود مسافروں کو بچانے کی کوشش میں اب بھی مصروف ہیں۔
