اوستہ محمد (مانیٹرنگ ڈیسک)اوستہ محمد میں پرانی دشمنی کی بناء پر دوافراد فائرنگ سے شدید زخمی ہوگئے ،تفصیلات کے مطابق لیویز تھانہ باریجہ جھل مگسی میں پرانی دشمنی پر میر حسن اورقادر بخش جتک نامی ملزمان نے شدید فائرنگ کر کے ایوب مگسی اورمسمی وزیرمگسی کو شدید زخمی کر دیا جن کی حالت نازک بتائی جا رہی ہے جنہیں فوری طور پر لاڑکانہ ریفر کر دیا گیا ملزمان موقع سے فرار ہوگئے ، دونوں زخمیوں کا تعلق گوٹھ سائی کھور سے بتایا جارہاہے ، باریجہ سے موٹر سائیکل پر باریجہ ہی اپنےگھر جارہے تھے کہ ان پر حملہ کیا گیا۔
ادھر ژوب میں ٹریفک حادثہ ایک شخص ھلاک ہوگیا ۔ پولیس کے مطابق ہفتہ کو ژوب میں مرکزی شاہراہ پر محمد علی اکا پیٹرول پمپ کے قریب تیز رفتار گاڑی کی ٹکر سے 16سالہ نعمان شاہ نامی نوجوان ھلاک ہوگیا ۔ پولیس نے نعش کو تحویل میں لیکر ہسپتال منتقل کردیا ،مزید کاروائی جاری ہے ۔
دریں اثناء خضدار باغبانہ خط کپرمیں نوجوان گلے میں پھندا ڈال کرخودکشی کرلی ، تفصیلات کے مطابق خضدار کی تحصیل باغبانہ خط کپر میں نوجوان محمد قاسم ولد غوث بخش جتک نامی نوجوان نے بند کمرے میں گلے میں پھندا ڈال کراپنے زندگی کا خاتمہ کردیا۔
لیویز باغبانہ کے ابتدائی تحقیق کے مطابق نوجوان گھریلوناچاقی کی وجہ سے خود کشی کرلی ہے لیویز نوجوان کی خودکشی کے متعلق مزید تحقیقات کررہی ہے۔
