شال ( مانیٹرنگ ڈیسک ) بلوچستان کے دارالحکومت شال پریس کلب میں طلبہء تنظیموں کی مشترکہ پریس کانفرنس،پریس کانفرنس میں اظہر بلوچ،طاہر شاہ کاکڑ،وسیم بلوچ نے اعلان کیاکہ اپنے مطالبات کی منظوری کیلئے ملک گیر احتجاج کا اعلان کرتے ہیں اور اتوار کے روز بی ایم سی میں جاری احتجاجی دھرنے میں سیمینار کا انعقاد کیاجائے گا ۔
انھوں نے کہاکہ سیمینار میں بی ایم سی کے مسائل اور انتظامی غفلت پر گفتگو کی جائیگی.
طلباء نے کہاکہ طلبہ تنظیموں کا گزشتہ 10 روز سے بی ایم سی میں دھرنا جاری ہے، اور ہمارے 3 مطالبات ہیں کہ کالج اور ہاسٹل کو فی الفور کھولا جائے،طلبہ پر لاٹھی چارج اور تشدد کرنیوالوں کیخلاف کارروائی کی جائے۔اورہاسٹل سے طلبہء کے لاکھوں مالیات کا سامان غائب ہوا انکا ازالہ کیا جائے،
اور اب ہم پھر وہی تینوں مطالبات پریس کانفرنس کے ذریعے
بلوچستان حکومت اور سیاسی جماعتوں کے سامنے دھراتے ہیں کہ وہ کالج کے مسائل کو حل کرنے میں سنجیدگی کا مظاہرہ کرینگے۔
انھوں نے کہاکہ بلوچستان میں تعلیم کا شعبہ زبوں حالی کا شکار ہے،
پرامن احتجاج ہمارا بنیادی اور آئینی حق ہے یہی وجہ ہے کہ ہم نے مسائل کے حل کیلے پر امن احتجاج کا راستہ اختیار کرلیا ہے ۔
