بلوچستان کے علاقہ سنجاوی اور گردونواح میں گزشتہ 2 روزسے جاری بارشوں اور ژالہ باری سے کھڑی فصلیں تباہ ہوگئیں، سنجاوی یونین کونسل پوئی شریف میں سیلابی ریلے میں بہہ جانے والے ایک شخص ھلاک ہوگیا، بہہ جانے والی گاڑی میں سوار افراد مقامی لوگوں نے اپنی مدد آپ کی تحت ریسکیو کرلیا۔
سیلابی ریلے سے سنجاوی، ہرنائی روڈ ٹریفک کیلئے تاحال بند ہے، جس کی وجہ سے گاڑیوں کی لمبی قطاریں لگ گئیں، سنجاوی کے تمام چھوٹے بڑے ڈیمز سیلابی ریلے آنے سے بھرچکے ہیں، جبکہ انتظامیہ نے وچ وانی ڈیم کا وال کھول دیا ہے۔
سنجاوی یونین کونسل کاژہ کلی تاندوانی سنجاوی سٹی ایریا چوتیر نشپہ ژالہ باری سے کھڑی فصلیں تباہ ہوگئیں، ژالہ باری سے سیکڑوں مویشی ہلاک ہوگئے، دور دراز پہاڑی علاقے سے ابتدائی اطلاعات تک تمام رابطہ سڑکیں بند ہوگئیں ہیں ۔
سنجاوی شیر کی دکانوں میں سیلابی پانی داخل ہونے سے دکانداروں کو بھاری نقصان اٹھانا پڑا، سنجاوی ہرنائی روڈ سیلابی ریلے سے تاحال ٹریفک کیلئے بند ہے۔
