کیچ ( نامہ نگار ) بلوچ اسٹوڈنٹس ایکشن کمیٹی کی جانب سے تربت میں منعقدہ دو روزہ صبا دشتیاری ادبی میلہ اختتام پزیر ہوگیا-
دو روزہ میلہ کے دوسرے دن بساک کے چیئرمین شبیر بلوچ ،سابقہ چیئرپرسن ڈاکٹر صبیحہ بلوچ، اور دیگر نے خطاب کیا جبکہ صحافت کے عنوان پر صحافی کیّا بلوچ نے بھی ویڈیو لنک کے ذریعے خطاب کیا-
پروگرام کے دوسرے دن جدیدیت اور بلوچی ادب کے عنوان پر پینل بحث کابھی انعقاد کیا گیا جس میں نوجوان قلمکاروں راشد حسرت، سالم مجید، رضوان فاخر اور دیگر نے اپنے خیالات کا اظہار کیا-
پروگرام میں بلوچی زبان کے معروف فلمی اداکاروں احسان دانش المعروف ماسی دلیان گروپ نے بہترین انداز میں کارکردگی کا مظاہرہ کرکے شرکاء سے داد وصول کیے-
ادبی میلہ میں مشاعرے اور میوزیکل کے حصے بھی شامل تھے جہاں بلوچی زبان کے نامور شعراء نے اپنے کلام پیش کیے جبکہ میوزیکل حصے میں معروف کلاسیکل گلوکار شاکر زامرانی، بلوچی و براہوئی کے گلوکار عبدالخالق فرہاد، وہاب بلوچ، نوشین قمبرانی ودیگر نے بہترین فن کا مظاہرہ کیا-
پروگرام میں نوجوانوں کے علاوہ مختلف تعلیمی اداروں کے طلبہ وطالبات اور مختلف طبقہ فکر سے تعلق رکھنے والے لوگوں نے کثیر تعداد میں شرکت کی۔
