24اکتوبر،2024 / زرمبش اردو
قلعہ سیف اللہ میں بم دھماکے میں دو افراد زخمی جبکہ گوادر میں ایک شخص کی تشدد زدہ لاش برآمد ہوئی ہے۔
اطلاعات کے مطابق قلعہ سیف اللہ میں موٹر سائیکل پر نصب آئی ای ڈی بم کے دھماکے میں محبوب جوگزہی نامی شخص کی گاڑی کو نشانہ بنایا گیا ہے جس کے نتیجے میں دو افراد کے زخمی ہونے کی اطلاعات ہیں۔
دونوں زخمیوں کو ہسپتال منتقل کر دیا گیا ہے تاہم واقعہ کی وجہ معلوم نہیں ہو سکی۔
دوسری جانب گوادر میں میر کمپنی کے قریب سے فرویز نامی شخص کی لاش ملی جس کے ہاتھ پاؤں رسیوں سے بندھے ہوئے تھے۔ بتایا جا رہا ہے کہ اسے تشدد کا نشانہ بنا کر جنگل میں پھینک دیا گیا ہے۔
تاہم ابھی تک قتل کی وجہ معلوم نہیں ہوسکی ہے۔
