پشین ( مانیٹرنگ ڈیسک ) ضلع پشین کی تحصیل برشور میں پاک افغان سرحدی علاقے سبورہ کے مقام پر پاکستانی فورسز نے مقابلے میں تین افراد کو ھلاک کردیا ہے ۔
پاکستانی فورسز نے دعویٰ کیا ہے کہ فورسز اور مسلح افراد میں فائرنگ کے تبادلے میں مبینہ خودکش حملہ آور سمیت تین افراد مارے گئے ہیں۔
انھوں نے کہاہے کہ ایک مشکوک گاڑی میں سوار پانچ مبینہ افراد کے داخلے کی اطلاع ملی جس پر فورسز نے علاقے کو گھیرے میں لیکر سرچ آپریشن کا آغاز کیا تو مبینہ افراد نے فورسز اور مقامی آبادی پر فائرنگ شروع کردی-
فورسز حکام کے دعویٰ کے مطابق اس دوران ایک مبینہ خودکش بمبار نے خود کو دھماکے سے اڑا دیا جس کے نتیجے میں وہ اور اسکا ایک ساتھی موقع پر ہلاک ہوگیا، جبکہ ایک اور حملہ آور کو فورسز اور مقامی افراد نے فائرنگ کرکے تبادلے میں ہلاک کردیا۔
اس دوران خودکش حملہ آور کے دیگر دو ساتھی موقع سے فرار ہوگئے جن کی تلاش کے لئے سیکورٹی فورسز کی اضافی نفری طلب کرکے سرچ آپریشن کا آغاز کردیا گیا ہے۔
تاہم واقعہ کے بارے آزاد ذرائع نے تصدیق نہیں کی ہے کہ مزکورہ افراد کو فورسز نے جعلی مقابلے میں ھلاک کیاہے یا واقتا مقابلے میں مارے گئے ہیں ۔ کیوں کہ اس سے قبل بلوچستان سمیت پختونخواہ اور سندھ میں لوگوں کو جعلی مقابلوں میں ماراگیا ہے ۔
