شال ( ویب ڈیسک ،اسٹاف رپورٹر) بلوچستان لبریشن فرنٹ (بی ایل ایف) نے اپنے آفیشل میڈیا چینل آشوب پر پنجگور اور آواران میں پاکستانی فورسز اور ڈیتھ اسکواڈز پر حملوں کی ویڈیو فوٹیج جاری کی ہے۔
ویڈیو فوٹیج میں بی ایل ایف کے سرمچاروں کو آواران میں آرمی ہیڈ کوارٹر، ایک کنسٹرکشن کمپنی کی حفاظت کرنے والے فوجی اہلکاروں اور پنجگور میں ڈیتھ اسکواڈ کے کارندوں کو نشانہ بناتے اور ہلاک کرتے دیکھا جا سکتا ہے۔
ویڈیو فوٹیج میں پہلے بی ایل ایف کے سرمچاروں کو ڈیتھ اسکواڈ کی گاڑی کو نشانہ بناتے دیکھا جا سکتا ہے جس میں ڈیتھ اسکواڈ کے تین کارندے سوار ہیں جن میں سے دو کارندے لطیف ولد جلیل اور امان اللہ ولد حسین موقع پر ہی ہلاک ہو گئے اور ایک کارندہ آصف ولد دل مراد شدید زخمی ہوتا ہے جبکہ ان کے گاڑی کو نقصان پہنچتا ہے۔
ویڈیو فوٹیج میں بی ایل ایف کے سرمچاروں کو آواران میں فوجی ہیڈ کوارٹر کو مارٹر گولوں سے نشانہ بناتے ہوئے دیکھا جا سکتا ہے جب کہ اس دوران بی ایل ایف کے سرمچاروں نے فوجی ہیڈ کوارٹر کو دو اطراف سے شدید حملے میں نشانہ بنایا تھا۔ حملے میں 4 فوجی اہلکار ہلاک جبکہ متعدد زخمی ہوئے تھے۔ یہ حملہ بریگیڈیئر حسن مہدی اور کئی دوسرے اعلیٰ فوجی کمانڈروں کی موجودگی میں ہوا تھا۔
ایک اور حملے کی فوٹیج میں، بی ایل ایف کے سرمچاروں کو ایک تعمیراتی کمپنی کی حفاظت پر مامور دو فوجی اہلکاروں کو نشانہ بناتے ہوئے دیکھا جا سکتا ہے، جس میں بی ایل ایف کے سنائپر شوٹرز کی فائرنگ سے ایک فوجی اہلکار موقع پر ہی ہلاک ہو جاتا ہے جبکہ ایک شدید زخمی ہو جاتا ہے۔
